Hoi！
Temmie好開心可以見到大家！
作為一個面盲選手我覺得自己有進步到，我敢講我下次Join活動可以認出十個以上嘅朋友仔 
多謝Enzo抽空黎接路痴嘅我，雖然明明只係一段好簡單嘅路但聽到句「好叻啊竟然識自己搵路」時除咗羞恥感外都算係有少少開心。
當日最令我印象深刻嘅係Olive嘅Cheese cake同Chair Dance，整嘢又好食跳舞又好睇真係好犀利！好有幸可以睇到完整嘅兩場<3
然後，我發現睇Chair Dance除咗睇跳舞嗰位，椅子上嗰位嘅反應都好好睇，Enzo同James兩種截然不同嘅反應成為咗表演中一份增添風味嘅調味料。學到嘢了！8）
除咗睇表演到食甜品，嗰日仲學識咗玩兩隻game，玩game時一到緊張刺激同行錯棋嘅關頭就唔小心暴露咗本性，希望無嚇親人，尤其係紅隊隊長同玩路障跳跳樂嘅朋友仔 
Aiden
估唔到大家都係Watch Dogs嘅Fans，而且都係咁鍾意Aiden Pearce。咁你有無諗過cos下？（雖然佢啲衫全部都好L熱）
Brian
好似就係紅隊隊長一號。我好欣賞你不受拘束、自由而靈性的思維模式！相信如果同你玩poker game，一定會輸得好慘。
Caleb
一位好有親和力又不失知性美嘅好向導，亦係令人佩服嘅好對手（講緊玩game）
Cara
噢我認得你！！個icon！
都係同一隻game！Chara會拎刀仔捅人，但我相信你係唔會嘅
Charles
傾咗幾句覺得幾nice，期待下次見面！
Enzo
⋯⋯好想了解一下你點樣用你嘅「碳纖武器」同人玩，下次見面要好好問一下學下嘢。
諗起嗰日I人圍爐取暖時有人隨口問起，「我地究竟係黎做咩嘢？」我諗我會答：「我係黎學嘢嘅！」
Elliot
印象中係套衫好型格好切合大會主題，腦回路竟跟得上Brian嘅靚仔，各方面都令我佩服！
Gin
一個望落似係開咗美顏功能Max嘅靚仔，皮膚好過我好多倍！會改呢個名係咪因為鍾意飲Gin？
James
係令男女都各種意義上心動嘅身材同氣場，一入門口就從容坐上椅上嘅姿態同全程嘅反應，相信大家都覺得好養眼。
Lily
係玩game時可靠嘅靚女隊友！你嘅每一次提議都令我眼前一亮，大佬我可以抱你大腿嗎？
Olive
雖然你提醒過我地可以用你身上嘅特「色」黎認住你，但我而家一望到你就滿腦子都是美艷動人嘅舞蹈同笑容，omg。
Rita
估唔到你人仔細細樣子可愛，力氣同格鬥技巧都令我咁甘拜下風，不過等到我學識吱你時你就———嘿嘿嘿嘿！
Elsa
對不起我有十九幾萬個名仲成日轉，你嗌我邊個名都ok的，但只有你可以。其他人唔比！
Valerie
係名符其實嘅平易近人！怕醜時嘅表情同反應仲好Cute Cute。嗰日無咩機會傾到計，下次見面或者可以坐埋一齊傾下D/S？
Wingo 好似係臨走先望到一眼嘅靚仔，希望下次有機會加深下印象！
定你其實就係嗰位紅隊隊長二號？
Yat
當我以為你係19歲小男孩時我真係信㗎，太可愛啦！！！
（排名按ABCD，不分先後。）
歡迎歡迎～ 好用心的動後，竟然第一次已經記到咁多人
當見到妳個名我都即刻諗我地會唔會係同game既朋友
下次多啲交流（我都有玩watch dogs
）！
放心平時我唔拿刀出黎的
Hi Temmie! Welcome to BoT!! (其實我都只係早一個月到嘅新人）
你絕對唔係面盲，記人嘅能力比我強好多
多謝你哋鍾意小小嘅chair dance分享~你搞到我好想知 當時兩位男會員嘅反應到底係點
期待下次見面可以傾多啲計
我真係超開心見到你嘅動後呀 Temmie 
都話我係真平易近人㗎啦 
做咩要質疑我姐？
呀………D/S…………
哈哈哈咩嚟㗎食得㗎???
我咩都唔知㗎!!!! (搵窿捐)
同埋你冇可能係面盲囉！
第一次就記得晒啲名
當日真係有啲忙,
冇乜時間同你傾偈,
下次可以的話早少少黎可以慢慢傾偈 
我都想有機會認識你多啲呀~
Temmie 歡迎加入
我應該就係你嘅紅隊隊長你地好叻，我亂咁講都贏到！
你好勁記得所有人名！
Hoi! 歡迎呀, 又多個I系既朋友仔好開心 
不過你黎左成晚都好似見我唔到, 講過野你都唔記得我, 睇黎我先係I既極致 
Hoi Tammie~
其實我就係紅隊隊長一號啊 
我都知道我思維比較跳脫難捉摸，難為咗我班紅隊隊員了...
下次俾我試多次！我會證明我係可以同大家心靈sync到！
Hi Temmie 我係Jaxon
好佩服你記得曬大家d名
我都係加入無耐 希望遲有機會見啦 
